Twinkle Twinkle Little Presidential Stars!

Just got this from one blog I'm following:

Basahin, limiin, unawain, at seryosohin. Ngunit laging tandaan ang paalala ni Zenaida ‘Syzygy’ Seva, “Hindi hawak ng mga bituin ang ating kapalaran. Gabay lamang sila. Meron tayong free will, gamitin natin ito.”

Ulitin natin. Pero sa pagkakataong ito, basahin nang malakas at imadyinin si Zenaida Seva habang binibigkas ang linya, “Hindi hawak ng mga bituin ang ating kapalaran. Gabay lamang sila. Meron tayong free will, gamitin natin ito.” At inulit mo naman. Masunuring bata!

Noynoy Aquino
February 8, 1960
Aquarius:
Iwasang magtungo sa Quiapo. Baka mapagbintangan kang bumibili ng survey.
Sa pag-ibig, magpapasya ka this week sa regalong ibibigay mo kay Valenzuela City Councilor Shalani Soledad sa Valentine’s Day. Huwag mo itong ipaalam kay Kris. Pagtatawanan ka lang niya at sasabihang “Gosh, how cheap!”
Hahabol sa kasikatan ng “Nakaligo ka na ba sa dagat ng basura” jingle ni Manny Villar ang NOY|NOY! jingle kung saan tinangka mong mag-rap katulad ng idolo mong si Vanilla Ice. Ngunit makabubuting panoorin ang ginawa mong pagsayaw sa naturang patalastas. Ginawa na ni Villar ang ganyang gimmick noong 2007. Utang na loob, huwag mo nang ulitin. Mukha kang tanga!
Sanga pala, may nag-text.
“Patahimikin mo na kami. Huwag mo na kaming isali d’yan. Matanda ka na.. Alam mo na ang dapat mong gawin. Good luck.” All the best, Daddy Ninoy & Mommy Cory

JC De Los Reyes
February 14, 1970
Aquarius:
Saludo ang mga bituin sa iyong tapang at determinasyong tumakbo sa pagkapangulo ng ating bansa. Ngunit mas sasaludo sila sa ‘yo kung ikaw ay uurong.

Joseph Estrada
April 19, 1937
Aries:
Hindi ka si Harry Houdini. Hindi ka rin si David Copperfield. At lalong hindi ka si David Blaine. Pero ang tanong ng mga bituin: bakit hanggang ngayon ay nabubuhay ka pa rin sa illusion?
Patuloy na bebenta ang iyong mga jokes sa mga presidential forum. Ikaw ang aani ng pinakamalakas na tawanan at palakpak mula sa crowd. Subalit ipinapayo ng mga bituin na limitahan ang dami ng binibitawan mong jokes. Baka mapagkamalan kang si Dolphy at kunin kang endorser ni Villar.

Richard Gordon
August 5, 1945
Leo:
Bilib ang mga bituin sa talas at husay ng iyong utak lalo na sa mga debate at presidential forum. Ngunit mag-ingat sa napakabilis na pagsasalita. Baka malunok mo ang iyong maigsing dila. Iisa pa lamang ang successful tongue transplant sa mundo.
Limitahan din ang paggamit sa Subic at Olongapo sa mga debate. Given na ‘yon. Sinuwerte ka lang dahil doon ka nahalal na alkalde. Kung ikaw ang naging mayor ng Siayan town sa Zamboanga del Norte na may poverty incidence na 97.46 percent, baka wala ring gaanong nagawa ang matabil mong dila.
Isang unsolicited advice lang po mula sa mga bituin: palitan n’yo na ang iyong TV ad na ang musikang gamit ay “Silent Night.’ Pebrero na ngayon.

Nicanor Perlas
January 10, 1950
Capricorn:
May walong araw pa bago opisyal na magsimula ang campaign period kung saan inaasahang gagastos nang todo-todo ang mga kandidato. Dahil sa mababang rating sa survey, mahihirapan kang kumalap ng campaign contributions.
Habang abala sa paghahanap ng financial support, makakatanggap ka ng ‘good news’ at ‘not so good news’ bago matapos ang linggong ito. Ang good news: susuportahan ka ng pamilya Ayala. Ang ‘not so good news’ – ng pamilya ni Joey Ayala: karaniwang tao.
Pinupuri ng mga bituin ang iyong mga nagawa bilang advocate ng malinis at maayos na kapaligiran at kalikasan. Dahil diyan, mananalo ka! Mananalo ka sa May 10… kung papayagang bumoto ang mga puno.

Gilbert Teodoro
June 14, 1964
Gemini:
Iwasang makunan ng larawan kasama ang isang babaeng may nunal sa kaliwang pisngi. May dalang kamalasan ‘yan. Mas lalong iwasang makunan ng larawan kasama ang isang ginoong napakalaki ng katawan ngunit napakaliit ng boses. Doble ang kamalasang dala niyan.
Mauungusan mo sa susunod na survey sina Noynoy at Villar… kung sa La Salle campus gagawin ang survey.
Posibleng umagaw ng boto sa ‘yo ang isang female presidential candidate na berde rin ang campaign color. Malas mo lang dahil pareho pa kayo ng gupit. Remedyuhan habang maaga.

Manny Villar
December 13, 1949
Sagittarius:
Sa pananalapi: napakasuwerte mo. Ni singko ay wala kang utang. Umuulan ang iyong pera kaya naman bumabaha ang iyong political ads.
Dahil sa ‘yo, muling mag-iinit ang Senado sa linggong ito. Consistent kang tao. May isang salita. Hindi ka sisipot sa pagdinig ng plenaryo. Kaya’t patuloy na magtatanong ang taong-bayan: guilty or not guilty? Dahil sa patuloy na pag-iwas mo sa iyong mga accusers, malamang na iwasan ka na rin ng mga botante. Ang payo ng mga bituin: simulan mo na ang paghahanap ng tindahang nagbebenta ng suwerte. Kakailanganin mo ‘yan ngayong Mayo.
Babala: kung ayaw mong umuwing may black eye, iwasan ang isang babaeng may initials na JM. May maitim siyang balak sa ‘yo. Matagal ka na niyang hina-hunting. Clue sa katauhan ng babae: mukha siyang lalaki.

Jamby Madrigal
April 26, 1958
Taurus:
Kung may mga sanggol na ipinaglihi sa hilaw na mangga, maasim na siniguelas, o hinog na duhat, naniniwala ang mga bituin na ikaw naman ay ipinaglihi sa sama ng loob. Tila malaki ang kinikimkim mong galit sa pulitiko man o sa mga kamag-anak mo. Isa kang ‘bully’ sa iyong past life.
Babala ng mga bituin: Chill. Baka dumating ang araw na maubusan ka ng maaaway at ibaling mo ang iyong galit sa iyong sarili.
Sa pag-ibig, walang gaanong pagbabagong nakikita ang mga bituin. Masyadong maulap ang aspetong romantiko ng iyong buhay.
Sa pulitika, sinabi mo last week na hindi ka naniniwala sa mga surveys. ‘Wag kang mag-alala. Hindi rin sila naniniwala sa ‘yo! Quits lang pare.

Bro. Eddie Villanueva
October 6, 1946
Libra:
Ang katulad mong Born-Again Christian at spiritual leader ay hindi naniniwala sa mga hula.
Ang sabi ng mga bituin: ‘Pwes, hindi rin kami naniniwala sa ‘yo.’
Wala kang horoscope!

 hehe.. vote wisely! (^^,)

Jewel

It's a very special day for my younger sister celebrating her 17th birthday! Wuhuu!

Nung bata pa kami madalas talaga kami mag-away, ganun naman talaga yata kapag magkasunod. Di ba sabi nila ganon. Hehe. Pero syempre habang lumalaki medyo nasasanay na rin kami sa mga saltik sa utak nagma-mature na rin kami at syempre medyo nagkakaintindihan na. Sobrang mahiyain nitong batang to. Period. sumagot lang ng telepono hindi pa magawa dahil nahihiya. Kapag may mga tao sa bahay nandun lang sya sa kwarto, o kaya pangiti-ngiti lang. Hindi ka nya kakausapin hanggat hindi ikaw ang unang mag-approach sa kanya. Pero gaya ng ibang nakikilala kong pinanganak sa buwan ng Feb-ibig, madaldal din naman 'to at maraming kwento kapag napalagayan ka na nya ng loob. Minsan lang magalit pero kapag nagtampo, tampo talaga!

I wish you all the best in life. I'm always here for you and May God bless you and guide you always.

HaPpY Birthday Jewel!

Valentine's

Kung Hei Fat Choi!

Wow! It's been a while nung huli akong mag-blog. Sobrang busy ng mga nakakaraang linggo. *sigh* Actually kahit ngayon busy din dahil my deadline kami, pero basta magsusulat muna ko dahil baka makalimutan ko na naman at makatamaran. Hehe.

Ayon pagkatapos ng apag-akyat namin sa Laguna sumama naman ako sa pagba-badminton nila kuya yellow. Kunyari sporty. Haha. Pero ayun, nanakit talaga katawan ko after. Mas grabe pa kesa nung umakyat kami. (Ayan kasi hindi nag-eexercise!, hehe)

Last valentine naman, ayun the usual...... Sa bahay lang ako maghapon, dahil nasa bulacan ako nun. Then mga 4PM lumuwas na ulit ako ng Mandaluyong at katulad ng dati magsisimba sana kami ni Mark. Kaso pagdating sa bahay pupunta daw pala kami ng mga housemates sa MOA, haha, may lakad pala kami pero hindi ko alam. Buti nalang at mga 6:15PM ako nakarating sa apartment, 7PM daw kasi yung Pyromusical. Natuwa naman ako kasi first time ko manuod nun. Dati kasi nung manunuod sana kami ng pyrolympics nila Doc Anna sa Taguig eh hindi na pala tuloy yung competition! Anu ba yun! Hehe. At ayun nga, dahil sa pupunta nga kami ng MOA, sinabihan ko nalang 'tong si Dugal na hindi na ko makakapagsimba (sorry Lord inuna ko pa yung pyro). At dahil traffic na traffic sa EDSA, hindi na namin naabutan yung entry ng Philippines. Nakanuod nalang kami sa loob ng taxi. Tsk tsk. Sayang, mukang maganda pa naman. Di nagtagal naglakad nalang din kami from Macapagal Blvd., di na naman kasi umaandar yung traffic, tsaka medyo malapit na rin naman.

Pagdating namin sa MOA, may harang pala yung kahabaan ng Ocean Drive, tapos yung ticket namin nandun sa isa naming housemate na nasa loob na. Di rin naman nya kami mapuntahan sa labas kasi sila na yung nakasalang sa stage (singer kasi sya sa band). So panu na??? Hindi naman namin pwedeng sabihin sa guard na yung ticket namin eh nandun sa kasama namin sa loob dahil pwede namang sabihin ng lahat yon. Buti nalang at pinayagan yung isa naming kasama na pumasok at kuhanin yung ticket, at ayun, successful.

(Photo Credit: http://outoftownblog.com)

Sakto yung pagdating namin sa loob dahil paumpisa na yung entry ng USA. At ayun, natahimik nalang kami sa panonood at nawala na ang init ng ulo dahil sa sunod-sunod na pagka-delay. Hehe. Mga 20mins din siguro tumagal yung pyro display and after nun, kumain na kami dun sa restobar na kinakantahan nung isa namin housemate.

Sa napansin ko mas maganda talaga yung entry ng Philippines, sayang nga lang at hindi namin nakita ng malapitan. Ang nakita ko lang kasi na kakaiba sa entry ng USA eh yung mga fireworks na sinisindihan nila sa ibabaw mismo ng tubig. Ang galing! Hehe. Nakaka-aliw. Since valentines din non, ang daming lovers sa paligid, at ang dami dami dami dami ng tao! May mga dalang flowers, stuffed toys at mga gifts. Sa taxi pa nga lang ang dami-dami na naming nakitang sweet-sweetan. Hmmm, buti nalang ako pati yung 2 kong housemate hindi naman kami lonely. Bakit ba naman kasi nauso pa ang valentines! Nakaka-stress tuloy at bitter bitteran kapag wala kang pakner. Haha.

P.S. May natanggap akong Valentine's Card...

 

sweet! (^^,)