Manilyn Castaneda

Un oh! Apee berday Lhen! Ayan ah, Lhen nalang hindi na Manilyn (sa title naman manilyn). Hehe.

Classmate ko to nung college sa Malolos. At gaya ng maraming friends ko ngayon, naging close ko lang 'to after na naming gumraduate. Ang labo. Hehe. Hindi kami close nung mga panahong nag-aaral pa kami. Ewan ko ba, siguro wala lang pagkakataon. Pati iba ang circle of friends naming dalawa nun. Ang pinaka-naaalala ko dito kay Lhen eh mahilig makipag-talastasan sa mga prof namin (Active na active sa lecture). Lalo na nung may batang pulubi na nanghihingi sa kanya. Wala syang kasama nun at parang na-corner sya nung bata na namamalimos. Di nya binigyan yung bata tas pilit nyang pinapa-alis, eh tapos parang badtrip pa si Lhen nun, kaya parang naka-sibangot pa sya. At siguro nagsawa na rin yung bata kaya tumigil na sya, pero dun ako nagulat at medyo natawa natawa ng sobra nung hindi nagpatalo yung bata. Hinawakan nung bata yung puting-puting uniform ni Lhen at hinilamos sa limahid nyang mukha. San ka pa! Haha. Loko-lokong bata yun, hindi papayag na hindi mu sya bibigyan. At yun, ang kawawang Lhen lalong nainis. Hindi ko na alam ang sumunod na tagpo...ehe.

As of now, kapatid ko na rin to sa SFC community. And I'm happy for her. I hope magtagal kami sa community at s pagse-serve.

HaPpY Birthday Lhen!

How's your Christmas?

Kamusta naman ang krismas nyo?? Sakin ayun, the usual. Nagsimba ng 11PM nung 24, pagdating sa bahay kumain, nagbukas ng mga gifts, nagbalot ng iba pang di pa nababalot na pambigay at natulog. Hehe. Hindi ko talaga binubuksan yung mga gifts sakin until 24, para naman may excitement. Ehe. Tapos ayun nung umaga 9AM na yata ako nagising. Namimiss ko talaga nung bata ako na napaka-aga kong nagigising kapag pasko. Excited kasi kong suotin yung damit ko na usually eh bago. Tapos idagdag mo pa yung mga pagkaaga-agang mga batang namamasko kila mami na maiingay. Bumabangon ako kaagad nun kasi naiisip ko iikot pa ko sa mga bahay-bahay ng mga kapit-bahay namin pati sa mga ninong at ninang ko. Haha.

Sa ngayon, iba na talaga. Tanghali na ko gumising, at wala nang masyadong maiingay na mga bata. Yung mga bata kasi samin ngayon medyo maliliit pa, yung medyo kalakihan eh mga dayo lang naman sa lugar namin, at yung mga kababata ko eh malalaki na rin. At syempre hindi na rin ako nag-iiikot pa samin para mamasko. Pero tulad nga ng sinabi ko, sumasama pa din ako kila dadi sa pagpunta sa mga kamag-anak at ninong at ninang. Naisip ko naman kasi, wala namang masama kung pupuntahan ko pa din sila. Hindi rin ako nahihiya kasi hindi naman ibig sabihin na pupunta ka sa kanila eh nanghihingi ka na ng aginaldo. Kumbaga, nakasanayan ko na yon, pati minsan ko lang naman sila makita.

At ayun, sa napuna ko, wala pa rin namang pinagbago ang pag-celebrate samin ng pasko. Marami pa rin bata kahit saan. Lahat ng bahay eh may bisita (pwera nalang sa mga nagtatago. Ehe, joke lang!). Lahat busy. At lahat masaya. Lalo kapag napunta kami sa mga pinsan ko sa side ng mami ko. Pagkadami-dami kasi nila. Lalo na yung mga pamangkin ko dun nakoooooo! Kapag nagsimula ka ng mamigay ng kahit tigbe-bente magugulo na mundo mo sa dami. Haha.

Isa pa pala!, ngayon ko lang nalaman na ang "susmaryosep" na term pala na usually eh nasasambit ng mga matatanda kapag nagugulat o nagagalit eh Jesus-Mary-Joseph pala ang ibig sabihin. Hindi nyo din alam yun noh! Ehe. Now you know (manny ikaw ba yan?).

Bakasyon mode

Grabe 2 tulog nalang pasko na! Wuhuu! Ang bilis na talaga ng panahon. Parang kelan lang nung nagsimula akong mag-work sa globe at mag-stay dito sa manila tapos ngayon nandito pa din ako tamad na tamad dahil bakasyon-mode na ko. Haha. (Kasi naman bakit di pa kami pauwiin nalang at makatulog nalang sa bahay) Ai! joke lang naman yon, syempre dapat ok lang sakin na nandito pa sa opisina. Baka naman sabihin sakin ng boss ko eh gusto ko palang matulog eh di umuwe na ko't matulog nalang at wala na kong babalikang trabaho. Mas masaklap naman yon. Hehe.

Handa na ba kayo for christmas??? Hmmm, naka-dalawang simbang gabi lang yata ako. Hihi. Ai tatlo pala! (so proud ka pa na naka-tatlo ka lang?!) Ang aga-aga kasi. Tapos naka-3 na yata akong christmas party simula nung 15 palang. At syempre hindi mawawala ang exchange gifts, kainan at pikchuran! Ewan ko nga ba, ganun talaga eh. Iba talaga mag-celebrate ang pinoy kapag christmas. Parang lahat masaya. Parang lahat excited. Parang lahat busy. At parang lahat kinakalimutan munang mag-diet. Haha. Nung makalawa nga mahilo-hilo ko sa dami ng tao sa Megamall. Parang pyesta! Lahat busy sa pamimili. Ganun din kahapon sa Greenbelt, Landmark, Glorietta at SM! Yan ba ang mahirap na bansa??? Hehe.